Per vegnir davent da l'energia atomara e da la producziun d'energia che chaschuna bler CO2 stoppian ins gudagnar il sustegn da la populaziun, constatescha la scienza. Senza stimul e regulaziuns sa laschian las novas tecnologias mo implementar grev e midar ils musters da cumportament da la populaziun restia ina sfida.
Burgais e burgaisas, consuments e consumentas sco era politicras e politichers sajan dumandadas, hai num en la communicaziun da medias. Uschia propona la scienza per exempel ina taxa directiva sin benzin, però era da sclerir la mancanza da savida. Differents projects mussian, ch'i na saja betg stà pussaivel da mussar si ils avantatgs da las novas tecnologias e dal midament da cumportament.
Per tadlar curt e concis:
RTR novitads 12:00