Siglir tar il cuntegn

Svizra Strategia «Svizra Digitala»

Citads ed aglomeraziuns connectadas, novas metodas da lavur ed intelligenza artifiziala, quai èn ils accents da la strategia dal Cussegl federal en chaussa digitalisaziun.

monitur d'in computer cun ina visualisaziun en trais dimensiuns
Legenda: Cun la strategia «Svizra Digitala» vul il Cussegl federal nizzegiar las schanzas da la digitalisaziun en Svizra. Keystone

Per la tematica da l'intelligenza artifiziala dettia ina gruppa da lavur che stoppia furnir fin l'atun 2019 ina survista da las mesiras existentas ed ina valitaziun davart ils novs champs d'agir. Quai communitgescha il Cussegl federal. Plinavant duai la gruppa da lavur preschentar ponderaziun co duvrar raschunaivlamain la tecnologia.

Vitiers elavura il Departament federal per ambient, traffic, energia e communicaziun in concept per sustegnair chantuns, citads e vischnancas per sviluppar «smart cities» – citads e regiuns connectadas.

La strategia «Svizra Digitala» aveva il Cussegl federal lantschà il 2016 per che la Svizra nizzegia il meglier pussaivel las schanzas da la digitalisaziun. Ils accents ch'el ha mess actualmain, èn directivas e finamiras per ils proxims dus onns.

RR novitads 12:00