Dronas pon entrar er en regiuns che n'èn fin uss betg vegnidas disturbadas u disturbadas be pauc. Utschels ed animals selvadis possian perquai vesair las dronas sco privel. Quai mainia tar stress. Uschia pudessan las dronas periclitar il surviver ed il success da procreaziun dals animals.
Davos il fegl d'infurmaziun stattan la Conferenza da l'administraziun da chatscha e pestga, l'Associaziun svizra da dronas e la Staziun ornitologica svizra da Sempach. Pilotas e pilots da dronas pudessan evitar ils disturbis cun suandar las reglas dal fegl d'infurmaziun.
Betg persequitar animals
Per exempel duain las dronas sgular en lieus survesaivels, sche nagins utschels u auters animals selvadis èn da vesair. Adattads sajan er territoris abitads senza fullas da glieud, hai num en il fegl.
Tranter auter vegni avertì da sgular dronas en zonas da ruaus da selvaschina u er en reservats d'utschels migrants. Plinavant saja scumandà da suandar animals selvadis cun dronas.
RR novitads 12:00