En vista a pussaivlas stretgas da provediment cun forza electrica s’augmenta il squitsch sin il Cussegl federal. L’uniun tetgala d’economia “Economiesuisse” pretenda da chasadas privatas da tschentar enavos lur stgaudament. I dovria mesiras da spargn en il sectur privat avant che l’economia vegnia stenschentada. Quai ha ditg il president dad Economiesuisse, Christoph Mäder en la “SonntagsZeitung”.
Ulteriuras mesiras da spargn
Talas mesiras fissan dentant be da realisar cun dretg d’urgenza. Ulteriuras mesiras da spargn pudessan esser da stizzar l’illuminaziun en vitrinas ed edifizis, ma er da metter ord funcziun stgalas mecanicas u d’envidar pli tard illuminaziuns da las vias.