Pervi da la crisa da corona han adina dapli persunas en Svizra da cumbatter cun debits. Quai mussa in'evaluaziun dals posts da cussegliaziun per debits. Las dumondas da cussegliaziun sajan creschidas per 70%. Quai communitgescha l'uniun tetgala sa referind sin in'analisa da la ETH.
Adina dapli pertutgads
I saja da quintar ch'il dumber creschia vinavant. Er perquai ch'ils pertutgads s'annunzian savens pir onns suenter ch'els sa chattian en ils debits. Tut en tut hajan 11% da tut las chasadas cun entradas sut 4'000 francs debits; tar quellas cun tranter 4 e 6'000 francs sajan quai 6%.