Siglir tar il cuntegn

Header

cuntegn

Studentas e students Prest mintga 10avel ponderescha da chalar

Motivaziun che manca ed ils cuntegns dal studi: Pervi da quai han 57% da las studentas ed ils students difficultads en il studi. Prest 10% pondereschan da chalar il studi. Ils problems varieschan tut tenor vegliadetgna e derivanza sociala.

Il pli savens hajan els difficultads pervi dals cuntegns dal studi (33%) e perquai che la motivaziun manca (24%), quai scriva l'Uffizi federal da statistica en ses rapport principal davart la situaziun sociala ed economica da studentas e students dal 2020. Sco il BFS scriva, mussia il rapport la situaziun dad avant la pandemia da Covid-19.

Problems finanzials u persunals

Sco ulteriurs craps da stgarpitsch vegnan numnads problems finanzials u persunals (17%). Persunas cun geniturs senza furmaziun suenter la scola obligatorica, han durant il studi dapli difficultads ch'ils auters (7% dals students e las studentas).

Studentas e students che descrivan lur sanadad sco mediocra, schletta u fitg schletta, pondereschan il pli savans da dar si il studi, pertutgads da quai èn 17% da las studentas ed ils students. Plinavant èsi er quels cun geniturs senza scolaziuns vinavan tals cun problems finanzials u che lavuran dapli che 80% sco er studentas e students sur 35 onns che vulan pli savens chalar il studi.

Ord l'archiv

video
2. lockdown – ed ussa: Menduri Stecher (student)
Or da RTR Social dals 01.04.2021.
abspielen. Laufzeit 2 minutas 36 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga