Svizra - Students cumbattan cunter l’iniziativa da stipendis
Betg tut ils students sustegnan l'iniziativa da stipendis. Il comité "students cunter l'iniziativa da stipendis" s'engascha per ina uschè numnada taxa da studi. Cun quest model vegnissan ils custs dal studi mess a quint al student cumplettamain suenter il studi.
Tenor il comité ha l'iniziativa, che pretenda che la Confederaziun regleschia la surdada dals stipendis, differentas mancanzas. Ella n'animeschia betg ils students da lavurar e prendia als chantuns la pussaivladad dad ir novas vias tar la surdada dals stipendis. Il suveran svizzer decida ils 14 da zercladur davart l'iniziativa.
