Prender a fit duai vegnir pli char. Per il proxim onn quinta in studi da la Credit Suisse cun in augment dals custs da 3%.
Cunzunt en il Grischun dettia bleras persunas che tschertgan, dentant mo paucas ch'affittan abitaziuns. Perquai vegnia il tschains da locaziun a crescher.
En l'entira Svizra sajan inserats per abitaziuns en media mo pli online 25 dis. Ils onns 2016 enfin 2020 è quai anc stà tranter 40 e 50 dis. Il pli fitg saja quai sa midà en il chantun Zug ed en il Grischun, er ordaifer la Val dal Rain. Quai giascha er vi da la pussaivladad da homeoffice, scrivan ils auturs e las auturas dal studi.
Plinavant dettia pli pauc lubientschas per bajegiar ch'auters onns. En ils davos 12 mais sajan vegnidas dada 1'500 lubientschas pli pauc ch'en il medem temp da l'onn avant.
Or da l'archiv
