«Ina chasa en la natira» – quest siemi pon adina pli paucas persunas sa prestar. Perquai perdan persunas privatas er adina pli l'interess d'insumma bajegiar. Quai ha consequenzas per il martgà d'immobiglias en Svizra. In studi da la banca Raiffeisen mussa: adina pli paucas dumondas da bajegiar vegnan tschentadas da privats.
Tenor il studi dettia sper ils pretschs ulteriurs motivs per la mancanza d'interess da bajegiar. Il bajegiar saja per exempel vegnì bler pli cumplex cun tut las regulaziuns. In auter motiv saja che las cumpetenzas artisanalas sa reduceschian en la populaziun e cun quai era la motivaziun da sez sa metter ad in project.