Siglir tar il cuntegn

Header

cuntegn

Studi da Unicef 4 da 5 uffants svizzers sa sentan bain

4 da 5 uffants en Svizra sa sentan bain. Quai resulta d'in studi da l'Ovra d'agid per uffants da las Naziuns Unidas, UNICEF, ch'ha examinà quant cuntents e sauns ch'ils uffants èn en ils stadis bainstants dal mund.

Il meglier sa sentan ils uffants en ils Pajais Bass, avant il Danemarc, la Norvegia e la Svizra. Uffants en quests pajais sajan mental- e corporalmain saun ed hajan ina buna furmaziun. A la fin da la tabella èn il Chile, la Bulgaria ed ils Stadis Unids.

Blers pajais ritgs disdeschian cun pussibilitar a tuts uffants ina buna furmaziun, malgrà che las resursas fissan avant maun, scriva UNICEF. En pli avertescha l'organisaziun da privels gravants per il bainstar dals uffants pervi da la pandemia da corona. Sche las regenzas na reageschian betg spert avunda, smanatschia als uffants paupradad ed in pegiurament da la sanadad fisica e mentala.

Per il studi han ins analisà las datas da 41 stadis da l'OECD e da l'UE.

audio
Per tadlar: Las novitads da las 06:00 uras
ord RTR Audio dals 03.09.2020. Maletg: RTR
laschar ir. Durada: 5 minutas 31 Secundas.

RTR novitads 06:00

Artitgels legids il pli savens