Novas datas or da las citads Turitg e Berna mussan: Mulestas sexualas capitan il pli savens a mesa via. Sin plaz dus suonda il traffic public. Las retschertgas vegnan dal post d'annunzia da las duas citads. En lieus sco bars e clubs capitia quai pli darar.
Tenor las datas inditgescha dapli ch'in terz da las dunnas giuvnas da Berna e Turitg, da gia esser vegnì mulestà sexualmain. Motiv per quai saja tranter auter la situaziun betg survesaivla. En il traffic public hai bleras persunas. Quai po far difficil da tegnair la survista e dad ir ord via.
Campagna da sensibilisar
Tant a Turitg sco er a Berna duai vegnir sensibilisà dapli per il tema, hai num or da la branscha dal traffic public. Mo in traffic public segir saja in traffic public attractiv. Uschia vegn fatg attent en ils trams e trens davart la pussaivladad d'annunziar mulestas. Er las Viafiers federalas sa participeschan.
Or da l'archiv ed adattà al tema
