Siglir tar il cuntegn

Header

video
Corona: Blers pazients sut 60 sin staziun intensiva
Or da Tagesschau dals 30.05.2020.
laschar ir. Durada: 2 minutas 19 Secundas.
cuntegn

Studi davart Covid-19 40% dals pazients intensivs da Covid-19 èn sut 60 onns

Radund 40% da las persunas en Svizra ch’han gì ina greva infecziun cun il coronavirus èn sut 60 onns. Quai mussan cifras da la Societad svizra per medischina intensiva che la «Tagesschau» ha evaluà. Bunamain in terz da quels 40% n’avevan nagina malsogna preexistenta. Il coronavirus tutga tenor l’evaluaziun pia er persunas pli giuvnas e saunas. Dentant: Persunas sut 60 onns han per regla survivì in'infecziun.

2% da collavuraturs d'ospitals èn s'infectads

Ils ospitals en Svizra èn mitschads senza pli gronds problems tras la crisa da corona. Sco quai ch'ina retschertga da la «SonntagsZeitung» tar ils ospitals gronds mussa, hai dà fin la fin da matg 2100 cas da corona tar medis, persunal da tgira ed ulteriurs emploiads. La quota d'infecziun tar il persunal è cunquai in zic pli auta che 2%.

Il pli ferm pertutgads èn stads ils ospitals en la Svizra romanda nua ch'er il dumber dals cas è pli aut. Las infecziuns èn però passadas senza grondas cumplicaziuns. A la retschertga han fatg part 20 ospitals cun prest 100'000 emploiads.

RTR novitads 21:00

Artitgels legids il pli savens