Siglir tar il cuntegn
Inhalt

Svizra Studi davart promoziun dal turissem

Il Cussegl federal duai far in studi cumparabel davart la promoziun dal turissem che cumpiglia l'Austria, la Frantscha, la Germania e l'Italia. Quai pretenda il Cussegl dals chantuns cun in postulat.

In runal da skis cun ina vatga.
Legenda: In studi duai sclerir la promoziun dal turissem en noss pajais vischins sco l'Austria e l'Italia. Keystone

Il studi duai evaluar ils emprests e levgiaments da taglia sco er il svilup da la promoziun da turissem ils ultims 10 onns. Vitiers duai il studi alura explitgar il sustegn finanzial different da l'infrastructura turistica. Quai pretenda in postulat che vegn da Beat Rieder (PCD/VS) e ch’è vegni approva unanimamain en il Cussegl dals chantuns.

Cusseglier federal Johann Schneider-Ammann refusa però quest postulat. Sch'ins veglia dapli turists saja da sbassar ils custs, uschia Schneider-Ammann.

RR novitads 12:00