La crisa da corona dat sin il stumi a la glieud en Svizra tudestga, i dat dentant era blers sentiments positivs. Quai paradox da corona tutga tar ils resultats d'in studi davart emoziuns.
Passa 9'000 umens e dunnas da la Svizra tudestga han ins dumandà mez matg davart 46 emoziuns. Bunamain la mesadad ha inditgà che la crisa da corona ha gì in'influenza negativa sur lur stadi d'anim, in effect positiv han be 22% vis. Il studi ha dentant era mussà, che la glieud numna sco sentiment impurtant l'engraziavladad en connex cun corona.
I vegn gugent discurrì da sentiments positivs
In segund resultat è, che la glieud da la Svizra tudestga discurra gugent dals sentiments, dentant sulet dals positivs. Crudà en egl è era che giuvens creschids numnan en lur mintgadi 18 differents sentiments, persunas pensiunadas be pli 10. Cun la vegliadetgna sa reducescha il specturm emoziunal.
La retschertga è vegnida fatga en il rom da la promoziun da la sanadad Svizra.
