Bain sajan las persunas tranter 55 e 64 onns integradas meglier en il martgà da lavur ch'anc avant 10 onns, la tema da perder la plazza saja però derasada fitg aifer questa gruppa. Be 25% dals participants e participantas dal studi spetgan da survegnir ina semeglionta plazza sch'i stuessan tschertgar ina nova. Tgi che perdia la plazza, haja cun la vegliadetgna adina pli pitschnas schanzas da survegnir ina nova, hai num vinavant. Almain parian las interpresas da sa dar fadia dad er emploiar persunas pli veglias.
Pli bleras pensiuns
Ils proxims onns vegnian pli bleras persunas ad ir en pensiun che fin uss. Swiss Life quinta cun in augment da radund 30% tranter 2019 e 2030. Tenor l'autur dal studi, Andreas Christen, vegnia la midada demografica sutstimada sin la fiera da lavur.