Siglir tar il cuntegn

Header

Um observa ina flur cun ina marella
Legenda: Subvenziuns pon avair in effect negativ sin la biodiversitad, scrivan ils auturs en il studi. Keystone
cuntegn

Studi mussa Bleras subvenziuns nuschaivlas per biodiversitad

In studi vegn a la conclusiun che bleras subvenziuns da la Confederaziun, dals chantuns e da las vischnancas èn nuschaivlas per la biodiversitad da la Svizra.

Las bleras subvenziuns problematicas dettia tar il traffic, l'agricultura, la producziun d'energia u era tar il svilup dals abitadis, scrivan las scienziadas ed ils scienziads da l’Institut federal per la perscrutaziun da guaud, naiv e cuntrada WSL e da l'Academia da las scienzas natiralas SCNAT. Sper pajaments directs resguarda il studi era las entradas pli bassas pervia da las reducziuns da taglia. En tut circa 40 milliardas francs mintg'onn.

Sco exempel vegnan numnadas las ovras idraulicas pitschnas che duain augmentar la producziun d'electricitad ecologica – che possian il medem mument dentant era avair in effect negativ sin fauna e flora, dutgs e flums. U era la deducziun da pendulari che fa pli attractiv da far lungs viadis a la lavur.

Las auturas ed ils auturs dal studi cusseglian d'abolir la mesadad da las subvenziuns cuntraproductivas.

Biodiversitad declerada en il Minisguard:

video
Tge è biodiversitad?
Or da Minisguard dals 23.03.2019.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga