Siglir tar il cuntegn

Header

cuntegn

Svizra Studi mussa daco ch'uffants vegnan criminals

In studi a lunga vista intercurescha daco ch'uffants e giuvenils da Turitg vegnan violents. Tenor ils auturs dal studi ha gia il temps da gravidanza in'influenza sin la criminalitad dals uffants. Quai scriva il Tages-Anzeiger.

Sche la mamma ha fimà avant la naschientscha da l'uffant, lura è il ristg che quel daventa culpabel, dubel uschè grond. Plinavant hajan bun 10% dals uffants en la vegliadetgna da 11 onns gia bavì almain ina giada alcohol e per part era cannabis. Las primas experientschas cun cocain suondian lura cun 15 onns.

La finamira dal studi saja dad chattar or co e cura ch'uffants da Turitg vegnian violents. Dapi il 2004 lavurian scienziads vid il studi cun il num Z-Proso. Da lezzas hajan els cumenzà ad accumpagnar stgars 1'700 scolars da l'emprima classa primara, e tals accumpognan ils scienziads anc adina.

RR novitads 07:00

Artitgels legids il pli savens