Istoricas èn las elecziuns cunzunt stadas per la Verda che ha gudagnà il pli fitg congualà cun l'onn 1919. Principalmain la tematica dal clima ha mobilisà ina pluna electuras ed electurs, oravant tut er giuvens e giuvnas. Da quel moviment han er ils verd-liberals profità.
Er per la Partida socialdemocratica e la Partida populara Svizra èn las elecziuns 2019 stadas istoricas, sco il studi mussa. La PPS ha nudà la pli gronda perdita da sezs dapi il 1919, oravant tut cunquai ch'els n'èn betg vegnids da mobilisar la basa. Quai è gartegià a la PS, ma tuttina hani fatg il mender resultat dapi il 1919 cunquai ch'i han pers electuras ed electurs a las partidas verdas.
La finala èn las elecziuns er stadas istoricas per la Partida cristiandemocratica e la Partida liberaldemocratica, uschia il studi. Tuttas duas partidas han nudà tar las elecziuns 2019 la pli bassa quota d'electuras ed electurs per il Cussegl naziunal dapi il 1848.
Ord l'archiv
Sin la pagina ch.ch chattan ins tut las infurmaziuns per las elecziuns dal parlament dal 2019. Las infurmaziuns san ins leger en tuttas 4 linguas.
