Siglir tar il cuntegn

Header

cuntegn

Studi UNICEF Mintga terz uffant è confruntà cun violenza fisica

En Svizra fa mintga terz uffant u giuvenil experientschas cun violenza fisica en scola e dus da tschintg er cun violenza psichica. Quai mussa in studi da l'organisaziun per ils dretgs d'uffants UNICEF.

Er sche la maioritad dals uffants e giuvenils sa sentia atgnamain segir en famiglia, scola, temp liber e domicil, saja quest sentiment da segirtad tar 15% dals uffants be mediocher u insumma betg avant maun, scriva UNICEF.

Uschia han 32% dals uffants inditgà dad esser confruntà en scola cun violenza fisica e 42% violenza psichica. En l'internet è questa cumpart tar 32%. Vitiers èn 41% dals uffants stads almain ina giada exposts a discriminaziun. Er a chasa è violenza tar mintga terz uffant realitad.

Uffants en povradad èn pli periclitads

Dus terz dals uffants vegnan chastiads en la famiglia (65%), en scola èn quai anc 35%. Uffants ch'èn pertutgadas da povradad èn en general exponids ad in pli grond ristg da violenza ed experientschas da chastis.

Studi UNICEF

Avrir la box Serrar la box

Per il studi ha UNICEF dumandà passa 1'700 uffants e giuvenils en la vegliadetgna da 9 fin 17 onns. Il studi è vegnì fatg en il rom dal terz rapport da proceder tar la realisaziun da la convenziun dal dretg da l'uffant da l'Uno.

Ord l'archiv

video
Violenza a chasa – co sa cuntegnair e nua ir per agid
Or da Minisguard dals 30.11.2019.
laschar ir. Durada: 3 minutas 22 Secundas.

RTR novitads

Artitgels legids il pli savens