Distatgà las debattas ha la SRG cun annunziar ch'ella veglia transferir ina gronda part da ses studio da radio da Berna a Turitg. Il Cussegl naziunal ha crititgà quests plans ed approvà tschintg iniziativas parlamentaras. Quellas pretendan che las emissiuns d'infurmaziun da radio ston vegnir producidas per gronda part a Berna e Losanna e las emissiuns da televisiun a Turitg e Genevra.
La cumissiun dal Cussegl dals chantuns è anc adina da l'avis ch'i na saja betg l'incumbensa da la politica da metter en dumonda las decisiuns strategicas da la SRG. Uschia hai num en ina communicaziun.
La decisiun finala prenda il plenum dal Cussegl dal chantuns en la sessiun d'atun. Tar in na èn las iniziativas parlamentaras giud maisa.
Gia avant in onn ha RTR rapportà da la discussiun enturn ils plans da la SRG:
RR novitads 14:00
