Substituziun per la lescha da tschigulatta

Per il mument survegnan ils producents subvenziuns per l'import dad ingredienzas da nutriment per reducir il pretsch e garantir la capacitad da concurrer. Questas contribuziuns sto la Svizra dentant dismetter pervia dal squitsch da la OMC. La substituziun – subvenziuns per latg e graun.

Vatgas. Bild in Lightbox öffnen.

Legenda da maletgs: Subvenziuns per latg e graun duain en futur sustegnair ils purs svizzers. Keystone

Il Cussegl dals chantuns ha eliminà las differenzas e la proposta è pronta per la urna. Las contribuziuns dal stadi per exports vegnan stritgadas. Sustegnids vegnan ils purs davent dal 2019 cun subvenziuns per latg e graun. Cuntrari a las subvenziuns d'export van ils daners en futur directamain als purs e betg als producents da resursas agriculas.

Sursiglir cuntegn supplementar

Lescha da tschigulatta:

Tgi che ha producì latg svizzer u graun per producir tschigulatta u biscuits per l’export, è ils ultims onns vegnì subvenziunà cun daners da la Confederaziun.

Per realisar l'intent han las duas chombras augmentà il budget agricul per ils onns 2019 fin 2021 per 284 milliuns francs – damai bunamain 95 milliuns francs ad onn. Quai correspunda pli u main a las expensas per la lescha da tschigulatta ch'i na dat en futur betg pli. Il Cussegl federal aveva proponì mo 68 milliuns francs.

En dus puncts ha la chombra pitschna dentant stuì dar suenter. Per l'ina duain las subvenziuns betg mo resguardar la quantitad, mabain era las differentas modas da producir ed ils differents retgavs. E per l'autra duai dasper graun da paun er pavel vegnir sustegnì.

RR novitads 14:00