En Svizra duain manaschis purils en l’avegnir be pli survegnir subvenziuns sch’els produceschan senza pesticids e na dattan betg preventivamain antibiotica als animals. Quai pretenda l'iniziativa «Aua da baiver» ch'è vegnida publitgada mardi en il Fegl uffizial federal.
Lur finamira è in'agricultura che producescha mangiativas sanadaivlas e tegna schuber l'aua da baiver.
Il comité d'iniziativa sa cumpona da persunas privatas independentas. Fin ils 21 da settember 2018 han ils iniziants uss temp da rimnar las 100’000 suttascripziuns necessarias. L'iniziativa vegn lantschada mesemna a Berna.
RR novitads 12:00
