Siglir tar il cuntegn

Header

Il lai da fermada Nalps.
Legenda: Il Cussegl naziunal ha decis da cumplettar la strategia d'energia: Ovras electicas grondas duain vegnir subvenziunadas. Keystone
cuntegn

Svizra Subvenziuns per la forza idraulica

Il Cussegl naziunal ha decis da sustegnair finanzialmain grondas ovras idraulicas existentas, sche lur custs da producziun èn pli auts ch'il pretsch ch'ellas survegnan sin fiera.

Ils manaders da las ovras electricas ston dentant impunder quests daners per il mantegniment, reparaturas e substituziuns. Il Cussegl dals chantuns aveva integrà quest sustegn en l'emprim pachet da mesiras per la strategia d'energia.

Naginas mesiras d'effizienza

La chombra gronda ha plinavant decis da stritgar las mesiras d’effizienza ord il project davart la strategia d’energia. Quai fissi ì per dar impuls a las ovras electricas, per che quellas promovian il spargnar energia.

Naginas limitaziuns e resalvas per ovras atomaras veglias

En rama da la debatta davart la strategia d'energia 2050 ha il Cussegl naziunal er decis da desister d'ina limitaziun da durada e da resalvas pli rigurusas per ovras atomaras ch'èn en funcziun dapli che 40 onns. Uschia ha il Cussegl naziunal midà opiniun en chaussa.

Avant radund in onn era el numnadamain anc da l'avis da da limitar la durada a 60 onns. Uschia avess ins stuì prender l'ovra atomara Beznau giud la rait il 2029. La fatschenta va uss en il Cussegl dals chantuns.

RR novitads 14:00

Artitgels legids il pli savens

Scrollar a sanestra Scrollar a dretga