12 artitgels da medias da «20 Minuten», «Tagesanazeiger» e «Der Bund» hajan violà il dretg da persunalitad. Ils artitgels eran cumparids, suenter che l’ertavel da milliuns Hirschmann era vegnì arrestà il november 2009. En ils rapports èsi tranter auter ì per renfatschas davart delicts sexuals. Suenter quests artitgels era Hirschmann vegnì sentenzià pervi da violenza ed act sexual sfurzà.
Vinavant puncts nunclers
Entant sto la Dretgira commerziala anc sclerir, schebain las medias inculpadas hajan manà ina campagna cunter Hirschmann. Medemamain èsi d’evaluar danovamain, sch’el haja il dretg da laschar stizzar artitgels digitals.
Mesa-praschunia a Winterthur
La Dretgira superiura da Turitg aveva sentenzià Hirschmann ad in chasti da detenziun pervia d’in act sexual sfurzà e multipels acts sexuals cun ina minorenna. Dal chasti da 32 mais sto el seser giu 12 mais. Actualmain sa chatta l’um da 34 onns en mesa-praschunia a Winterthur. Quai vul dir: durant il di po el lavurar normal, be la saira e la notg vegn el empraschunà.
RR novitads 15:00