Success per omaduas varts

La cunvegna da principi en la dispita d'atom cun l'Iran saja in success per omaduas varts. Quai ha ditg l'anteriur diplomat svizzer Michael Ambühl en ina intervista ch'è vegnida publitgada sin tagesanzeiger.ch. Pli baud è Ambühl stà involvì en ils discurs d'atom cun l'Iran.

Michael Ambühl, anteriur diplomat, da vesair sia fatscha, el porta egliers Bild in Lightbox öffnen.

Legenda da maletgs: L'anteriur diplomat svizzer Michael Ambühl. Keystone

Questa cunvegna saja in success per la diplomazia internaziunala, cunzunt per ils Stadis Unids da l'America e l'Iran. Ambühl ha dentant era avertì ch'i saja anc ina lunga via enfin ad ina cunvegna definitiva. Sch'ella vegnia propi realisada vegnia ella a gidar a calmar la situaziun en il Proxim Orient.

Tenor la cunvegna da principi sto l'Iran reducir sias capacitads da concentrar uran per dus terzs. Persuenter vulan ils Stadis unids e l'UE abolir lur sancziuns economicas envers l'Iran.

RR novitads 10:00