Tgi che duai succeder al cusseglier federal partent Alain Berset para da divider la partida socialdemocratica. Ina part da la partida vesa in um sco successur da Berset uschia che la partida fiss vinavant cun in um ed ina dunna en il Cussegl federal.
Auter vesa quai la cussegliera naziunala bernaisa, Tamara Funiciello. Ella a ditg a la «Sonntagszeitung» ch'i saja impurtant d'eleger la persuna la pli capabla. Quai na stoppia betg exnum esser in um. Funiciello po s'imaginar che la partida trametta duas dunnas en la cursa.
Candidaturas pussaivlas
In pussaivel successur è l'Engiadinais Jon Pult. Sin Twitter ha el scrit da ponderar ina candidatura. Tgi che ponderescha medemamain ina candidatura è la cussegliera naziunala Tamara Funiciello.
Ina ulteriura pussaivladad è ch’ils Verds vegnan ad attatgar il sez dil Cussegl Federal dalla PS. La partida Verda ha schon il 2019 fatg valair interess vid in sez da la PLD, dentant senza success. Il copresidi dalla PS ha detg a la «NZZ am Sonntag» ch’ella quintia dentant betg cun quai, ed i faschess fitg surstar els. Tuts e tuttas sappian numnadamain che sulet la PPS e la PLD hajan tschaffen sche las duas partidas sanestras han dispitas.
