Thierry Burkart, il cusseglier dals chantuns da l'Argovia, vul surpigliar il timun da la PLD. Sco la partida liberal-democratica ha communitgà, haja el candidà uffizialmain per il presidi.
Il termin per las candidaturas è scadì en il fratemp. Thierry Burkart è l’unic candidat. Cun quai succeda il politicher da 45 onns probablamain a la presidenta da la partida Petra Gössi quest atun. Lura è la radunanza da delegads da la PLD. Il giavisch da Burkart è da manar la partida cun in team da vice-presidentas e vice-presidents.