Siglir tar il cuntegn

Header

Die sechs Kandidierenden für die Nachfolge von Alain Berset
Legenda: Roger Nordmann, Daniel Jositsch, Evi Allemann, Matthias Aebischer, Jon Pult e Beat Jans vulan far il sigl en il Cussegl federal. Keystone
cuntegn

Successiun dad Alain Berset Candidats e candidata sa preschentan a la basa a Genevra

La sala saja stada emplenida fin l'ultima plazza a Genevra. Igl è stà ina da quatter pussaivladads per la basa da la Partida socialdemocratica, d'emprender d'enconuscher ils pussaivels successurs u la successura da cusseglier federal Alain Berset.

Jon Pult, cusseglier naziunal dal Grischun, ha vulì recumandar sasez cun sia vegliadetgna, i saja bun d'avair pliras generaziuns en il Cussegl federal. Evi Allemann, cussegliera guvernativa da Berna, ha ditg ch'ella saja ina represchentanta da la Svizra urbana. E Matthias Aebischer ha ditg, el saja in «uffant socialdemocratic», gia ses geniturs sajan stads en la partida.

audio
Adrian Camartin è stà a la discussiun da podium
ord Actualitad dals 07.11.2023. Maletg: RTR
laschar ir. Durada: 6 minutas 11 Secundas.

Beat Jans da Basilea ha discurrì da sia carriera nunconvenziunala e ses emprendissadi sco pur ed ha ditg che questa experientscha saja impurtanta per il Cussegl federal. Ils dus parlamentaris e politichers da renum Roger Nordman (VD) e Daniel Jositsch (ZH) han stuì s'explitgar. Nordmann ha concedì che la Svizra latina saja gia bain represchentada en il Cussegl federal. Daniel Jositsch ha concedì ch'i saja stà in sbagl da candidar a las davosas elecziuns dal Cussegl federal, cura che sia partida ha mo vulì candidaturas da dunnas per la successiun da Simonetta Sommaruga.

Suenter Genevra van ils tschintg candidats e la candidata anc a Bienna, Olten (SO) e Schaffusa a sa preschentar davant la basa da la partida. La fracziun da la Chasa federala da la PS nominescha lura ils 25 da november in ticket da dus ni da trais candidats. Il parlament elegia lura ils 13 da december il nov Cussegl federal.

video
Jon Pult cumbatta a Genevra per vegnir nominà da la PS per il Cussegl federal
Or da Telesguard dals 07.11.2023.
laschar ir. Durada: 3 minutas.

RTR actualitad 12:00

Artitgels legids il pli savens

Scrollar a sanestra Scrollar a dretga