Il cusseglier dals chantuns da Turitg, Daniel Jositsch, vul succeder ad Alain Berset. Jositsch ha oz, mardi, annunzià uffizialmain ch’el vegnia a candidar per il Cussegl federal. L’onn passà ha el era gia candidà per la successiun da Simonetta Sommaruga, lura anc cunter la veglia da sia atgna partida, che vuleva be candidaturas da dunnas.
Jau accept la decisiun da mia fracziun, independentamain da tgi ch'els nomineschan.
Spetgar sin la decisiun da la fracziun
La partida chantunala da Jositsch sustegna sia candidatura. La fracziun da la PS annunzia ils 25 da november ils candidats e las candidatas uffizialas da la partida.
L’Assamblea federala elegia lura ils 13 da december il successur u la successura da Berset.
