In di suenter che sia cussegliera Doris Leuthard ha annunzià sia demissiun, avra la Partida cristiandemocratica svizra PCD sia procedura da nominaziuns.
Pfister partia da l’idea ch’i vegn ad esser almain ina dunna sin il ticket da la PCD, rapporta l’agentura da novitads svizra da la conferenza da medias a berna. Sch’i dettia in ticket cun ina, duas u schizunt trais persunas saja anc avert. Quai vegna a decider la cumissiun responsabla.
Da las persunas che candideschan, sa giavischa Pfister qualitads da manar, bunas enfin fitg bunas capacitads da chattar consens e capacitads da communicaziun extraordinarias.
Las partidas chantunalas hajan da nominar lur candidatas e candidats fin ils 25 d’october ed als annunziar a la cumissiun responsabla. Quella vegn a communitgar sia tscherna ils 16 u 17 da november. Las persunas tschernidas per la candidatura han suenter dals 27 da november enfin ils 4 da december hearings tar las differentas partidas a Berna.
L’elecziun per la successiun tant da Doris Leuthard (PCD) sco er da Johann Schneider-Ammann (PLD) è planisada per ils 5 da december. L’emprim vegn elegì per Leuthard, suenter per Schneider-Ammann.
RR novitads 14:00
