Siglir tar il cuntegn

Header

cuntegn

Svizra Sudan – dunna svizra rapinada è puspè libra

Polizia dal Sudan ha liberà la dunna ch’era dapi pliras emnas en ils mauns da rapinaders. La dunna saja sauna, han ditg las autoritads dal pajais.

La Svizra sa chatta uss en in quartier principal da la polizia en la citad da Kutum, ha ditg il viceguvernatur dal Darfur dal Nord Mohamed Barima a l’agentura da novitads Reuters. Ils rapinaders avevan tegnì a ferm la dunna en ina cuntrada champestra ordaifer Kutum, sco ina pledadra da la regenza ha ditg senza dar dapli detagls.

Stentas da la Svizra

Il Departament federal per affars exteriurs ha communitgà ch'i giaja tenor las circumstanzas bain cun la dunna. Il departament è levgià ed ha engrazià a las autoritads sudanaisas. Curt suenter il rapinament era vegnì furmà ina task force dal management da crisa federal.

Dapi ditg en il Sudan

Tenor rapports sin medias socialas lavura la dunna per in’organisaziun nunguvernamentala. Quella s’occupa d’uffants en il Darfur. La Svizra viva dapi blers onns en il Sudan.

RR novitads 09:00

Artitgels legids il pli savens