La politicra svizra Regula Rytz sa retira dal Cussegl naziunal. Quai suenter la sessiun extraordinaria il matg. Sco la dunna da sessanta onns ha ditg a la «SonntagsZeitung» veglia ella far insatge nov.
Ella vul surpigliar il timun da l'organisaziun da svilup «Helvetas» e sa far independenta cun in biro da cussegliaziun. La midada dal clima vegnia a midar noss mund, è Rytz persvasa. E questas midadas vegnian a pertutgar il pli fitg ils pli paupers dal mund. Perquai vul ella s'engaschar en la collavuraziun da svilup.
Jau na chal betg da far politica. Jau mid simplamain la tribuna.
Laschar la detta da la politica na vegn Rytz però betg dal tut: Sco delegada tar ils Verds europeics vul ella s'engaschar en la politica d'Europa. Quai tranter auter per ina cunvegna instituziunala.
Rytz è stada indesch onns per ils Verds en il Cussegl naziunal, ed ha 2019 candidà sco Cussegliera federala. Plinavant è ella stada da 2012 fin 2020 presidenta da la partida verda da la Svizra.