Siglir tar il cuntegn

Header

cuntegn

Suenter 36 onns a Berna Paul Rechsteiner sa retira

Il Cusseglier dals chantuns songagliais Paul Rechsteiner sa retira sin la fin da l'onn. Quai ha il politicher socialdemocratic da 70 onns dà enconuschent en ina intervista envers «CH Media».

Cun Rechsteiner sa retira il parlamentari ch'è il pli ditg en uffizi: El politisescha gia dapi 36 onns a Berna. Rechsteiner è stà dal 1986 fin il 2011 en il Cussegl naziunal per la PS e dapi il 2011 Cusseglier dals chantuns per Son Gagl. Enconuschent è el vegnì sco president da l'Uniun sindicala. Quella pusiziun aveva el per 20 onns dal 1998 fin il 2018.

Cun sia demissiun anticipada avant las elecziuns dal parlament l'onn proxim veglia el dar la pussaivladad da decider co ch'i duai ir vinavant cun la represchentanza songagliaisa en la chombra pitschna, uschia Rechsteiner.

audio
Per tadlar: las novitads da las 10:00
ord RTR Audio dals 07.10.2022.
laschar ir. Durada: 3 minutas 26 Secundas.

RTR novitads 10:00

Artitgels legids il pli savens