Tras il tunnel da basa dal Gottard van puspè singuls trens da persunas. Il venderdi po in tren ir envers il sid, e la dumengia po in turnar dal sid en il nord. Las fins d'emnas che suondan duain dus ulteriurs trens cursar en il tunnel da basa la sonda ed in la dumengia.
Las Viafiers federalas fan attent ch'in tren surchargià na dastgia passar il tunnel. Reservaziuns per ils trens sajan pussibels davent dals sis d'october per las ulteriuras colliaziuns durant las vacanzas d'atun. Il temp da viagiar sa reducescha maximalmain per ina mes'ura, cumpareglià cun il temp da viagiar sur la lingia da tren sur il pass. Ils trens stoppian charrar cun tempo limità.
La fin d'emna na datti lavurs da reparatura en il tunnel donnegià dal vest, ed i na curseschan tants trens da vitgira. Perquai saja i pussaivel da nizzegiar il tunnel da l'ost per il traffic da persunas. Avant var in mais e mez è in tren da vitgira ì sur ils binaris ora ed ha chaschunà gronds donns en il tunnel da basa dal Gottard.
In rapport da las Viafiers federals mussa plinavant si la raschun per l'accident. Ina roda donnegiada, sco suspectà. Uss vegnan trens cun sumegliantas rodas controllads.
