La Posta svizra reducescha ils transports da daners en la Svizra franzosa, suenter ch'igl ha dà plirs assagls durant ils ultims mais sin tals transports. Sco quai che La Posta communitgescha, haja l'assicuranza sistì per immediat la garanzia per ils transports da daners a Daillens en il chantun Vad.
Uschia na possia La Posta betg pli transportar daners e rauba preziusa là, en il center da logistica. La decisiun chaschuna viadis da transports pli lungs ed igl è pli grev da proveder la populaziun en Svizra franzosa cun daners bluts.
Seria d'assagls
Nunenconuschents avevan assaglì ils 2 da december in transport da daners da SecurePost, silsuenter rut si e dà fieu al vehichel. Silsuenter èn ils laders sa mess sin la fugia. Con grond ch'il donn è n'è anc betg enconuschent. En il chantun Vad èsi ils ultims mais pliras giadas vegnì tar assagls sin transporters da daners.
Ord l'archiv da SRF:
Ils ultims mais èn divers transport da daners vegnids assaglids en il chantun Vad
RTR novitads 14:00