Per garantir il provediment cun forza electrica saja probabel necessari da bajegiar en Svizra ovras electricas cumbinadas cun gas. Quai ha ditg il president da la ElCom - l'autoritad per la regulaziun dal current - Carlo Schmid-Sutter en in'intervista cun la Neue Zürcher Zeitung.
Adversaris dad ovras cumbinadas cun gas e vapur crititgeschan ch'ellas sajan cuntrarias a las stentas per l'ambient - quai pervi da lur emissiuns da CO2.
Tenor Schmid-Sutter èsi dentant pli intelligent da bajegiar en Svizra ovras d'energia da gas che d'importar forza electrica da charvun da la Pologna.
RTR novitads 10:00