Siglir tar il cuntegn

Header

cuntegn

Suenter cumbat per la pussanza Protecziun svizra dals animals dovra nov president u presidenta

  • La presidenta da la Protecziun svizra dals animals n'è betg vegnida reelegida.
  • La banchiera Nicole Ruch deplorescha la decisiun da las secziuns.
  • Ad interim surpiglia Piero Mazzoleni il presidi.

Ils delegads e las delegadas da la Protecziun svizra dals animals n'han betg pli elegì Nicole Ruch da lur radunanza ad Olten. La banchiera da Bienna acceptia la decisiun, haja num en ina communicaziun da Ruch. Quai rapporta l'agentura da novitads Keystone-SDA.

Ad interim surpiglia il vicepresident da fin uss, l'advocat tessinais Piero Mazzoleni, il presidi. Quai ha communitgà l’uniun sin la plattafurma X.

Ordavant avevi dà in cumbat da pussanza tar la Protecziun svizra dals animals: Plirs commembers da la direcziun han denunzià Ruch pervi da gestiun malfidaivla. Quai pervi d’irregularitads en la contabilitad.

Dacurt ha il Servetsch svizzer da certificaziun per las organisaziuns d’utilitad publica che collectan daners (ZEWO) mess l'organisaziun sin sia glista naira. Quai pervi transparenza manglusa, la mancanza da controllas internas ed ulteriurs puncts.

RTR novitads 22:00

Artitgels legids il pli savens