Siglir tar il cuntegn
Annetta Bundi
Legenda: Annetta Bundi Adrian Camartin

Suenter demissiun Sommaruga Annetta Bundi banduna UVEK

Suenter 12 onns banduna la manadra da la communicaziun l'administraziun federala.

Ils ultims trais onns ha Bundi manà il post da communicaziun dal Departament federal per ambient, traffic, energia e communicaziun (UVEK). Avant è ella stada pledadra da medias da l’anteriura cussegliera federala Doris Leuthard. Cumenzà ha ella sia carriera en l’administraziun federala en il servetsch da medias dal Departament d’economia.

Avant quatter onns ha Annetta Bundi declerà la fascinaziun per sia professiun uschia: «Jau hai pudì emprender bler ed jau hai vesì quai adina sco ina enorma schanza dad esser fitg datiers da la politica a Berna, nua ch'ins ha pudì avair invista en projects da l'entschatta enfin la fin.»

Suenter il studi a las universitads da Berna e Friburg ha la Rumantscha, oriunda da Cuira, lavurà durant 10 onns sco schurnalista per las gasettas «Südostschweiz», «Cash» ed il «Tages-Anzeiger».

Or da l'archiv:

RTR novitads 12:00

Artitgels legids il pli savens