Siglir tar il cuntegn

Header

cuntegn

Suenter gieu da hockey Tests da massa suenter cas dad Omicron

Tut ils fans da hockey ch'èn stads avant in'emna en il stadion a guardar il derbi tessinais tranter Ambri e Lugano ston sa laschar testar sin corona. Gievgia è ina persuna ch'è stada al gieu sin la tribuna dad Ambri-Piotta vegnida testada positiv sin la varianta Omicron. Quai communitgeschas las autoritads tessinaisas.

Il departament da sanadad chantunal appellescha perquai a tut ils visitaders dal gieu da sa laschar testar. Ils custs per ils tests surpiglia la Confederaziun, hai num en la communicaziun. Per dar dumogn als tests da massa ordinads vegnia il center da test a Bellinzona rinforzà.

RTR novitads 11:00

Artitgels legids il pli savens