Siglir tar il cuntegn

Header

cuntegn

Suenter il Na a l'iniziativa Cumissiun vul subvenziunar vatgas cun cornas

Purarias che laschan la corna a lur vatgas e tgauras, duain survegnir pajaments directs. Da quest'opiniun è ina maioritad da la cumissiun economica dal Cussegl dals chantuns. Uschia recumonda quella ina moziun correspundenta. Quai stgars quatter onns suenter ch'il suveran svizzer ha refusà in'iniziativa dal pievel davart pajaments directs, per laschar la corna als animals da niz.

Meglieras schanzas che iniziativa

Il nov slantsch ha bunas chartas. La cumissiun dal Cussegl dals chantuns recumonda d'acceptar cun 8 cunter 4 vuschs ina moziun da Roberto Zanetti (PS/Solothurn). Quella pretenda ina midada da l'ordinaziun davart ils pajaments directs. Da nov duain las puras ed ils purs survegnir in zic ina pli auta subvenziun, sch'ellas na laschan betg allontanar las cornas.

Cuntrari a l'iniziativa che vuleva nudar quests pajaments en la Constituziun federala, saja questa moziun uss sin il dretg stgalim e saja impurtanta per la dignitad da l'animal en l'agricultura. Ina minoritad è stada cunter questa moziun, ord tema che las vatgas cun corna sajan lura pli savens liadas en stalla.

RTR novitads 15:00

Artitgels legids il pli savens