Siglir tar il cuntegn

Header

cuntegn

Suenter incendi en il Gottard Tunnel da basa è puspè avert

  • Ils trens da vitgira curseschan puspè normal tras il tunnel da basa dal Gottard.
  • La raschun per l'interrupziun era ch'in vehichel d'ina firma da segirezza aveva piglià fieu.
  • Il vehichel aveva cumenzà a brischar curt suenter las 08:00 uras en in tunnel lateral datiers da Faido.

Il tunnel da basa dal Gottard è puspè avert dapi las 14:00. Sco quai che la polizia chantunala dal Tessin ha communitgà, pon ils trens da vitgira puspè cursar normal.

Pervia da l'incendi d'in vehichel da segirezza eran vegnids evacuads 29 lavurants. 10 d'els sajan vegnids transportads en l'ospital pervia da tissientadas da fim

Dapi ch'in tren era ì sur ils binaris ora la stad passada è il tunnel da basa dal Gottard avert be a moda restrenschida. Durant l'emna na curseschan nagins trens da persunas tras il Gottard. Da venderdi saira fin dumengia saira curseschan radund 30 trens tras il tunnel da basa. Ils trens da passaschiers vegnan sviads fin probablamain la fin da settember da quest onn sur il traject da panorama dal Gottard.

Artitgels legids il pli savens