La Postfinance ha bloccà per motivs da segirtad postomats. L'entschatta dal mais eri reussì a laders da manipular mintgamai in postomat a Lucerna ed a Thun.
Per impedir ulteriurs cas sumegliants hajan ins prendì las mesiras necessarias tar ils postomats dal medem tip. Ils var 100 postomats duain puspè vegnir en funcziun il proxim temp. La Postfinance ha en l’entira Svizra enturn 1’000 postomats.
A la tschertga da la metoda
Il mument analisescha Postfinance ensemen cun la polizia ed auters partenaris l’agir dals delinquents. Quant aut ch'il donn è n'ha la Postfinance betg tradì. In privel per las clientas ed ils clients u per lur daners n’haja dentant mai dà.
audio
Per tadlar: Las novitads da las 16.00
ord RTR Audio dals 14.07.2020.
Maletg: RTR
laschar ir. Durada: 3 minutas 7 Secundas.