Siglir tar il cuntegn

Header

cuntegn

Suenter Pfister XXXLutz cumpra uss anc 6 butias d'Interio

  • Il concern da mobiglias austriac XXXLutz surpiglia sis da las 11 filialas d'Interio da la Migros. Quellas vegnian midadas enturn en filialas da la marca da discount Mömax.
  • XXXLutz ha avant in mais gia cumprà Möbel Pfister.

Cun la vendita da las filias svanescha la marca Interio dal martgà svizzer. Il pli tard la fin da settember 2020 na vegnia a dar nagin Interio pli. Ils ultims onns han quellas adina fatg pli e pli pauc svieuta. Quai communitgescha la Migros. La Migros vul uss sa concentrar sin il svilup da Micasa.

Gronda part dals collavuraturs vegnan surpigliads

Radund 200 dals 300 collavuraturs d'Interio vegnian surpigliads ed engaschads vinavant dal concern austriac. Las ulteriuras persunas vegnian engaschadas aifer la gruppa da la Migros.

RTR novitads 10:00

Artitgels legids il pli savens