La gruppa austriaca vul investir 12 milliuns francs en la Saastal Berbahnen AG. 6 milliuns dat la gruppa en furma d'emprest per investiziuns futuras.
Peter e ses figl Markus Schröcksnadel èn plinavant vegnids elegids en il cussegl d'administraziun da las pendicularas. La gruppa Schröcksnadel tegn 29% da las aczias, l'investider american Edmond Offermann anc radund 23%. La vischnanca Saas-Fee e Saas-Fee/Saastal Turissem possedan circa 21% da las aczias ed ils ulteriurs acziunaris 27%.
Las pendicularas Saastal dovran urgentamain ils daners per pudair sanar la pendiculara Hannigbahn a Saas-Fee. La concessiun da l'implant dal 1969 va a fin quest onn. Las investiziuns muntan a 36 milliuns francs.
La Gruppa da Schröcksnadel posseda er la maioritad da las aczias tar las pendicularas da Savognin e Markus Schröcksnadel è il president dal cussegl d'administraziun.
RR novitads 20:00