Siglir tar il cuntegn

Header

cuntegn

Suenter schluccadas Mancanza da persunal en la gastronomia

La gastronomia sa lamenta suenter las schluccadas da mancanza da persunal. Sco il president da l’associaziun da branscha Gastrosuisse Casimir Platzer ha ditg, haja la gastronomia gronda fadia da chattar persunal qualifitgà. Il problem ch’i haja gia dà avant la crisa, saja uss pli accentuà. Ina raschun saja ch’i manchia la dinamica sin il martgà da lavur, ha declerà il president.

Persunal che saja en lavur curta na midia betg la plazza, uschia Casimir Platzer. En pli haja inquala ed inqual pers la perspectiva e midà la branscha.

Pauca chapientscha

Boris Zürcher, manader direcziun Seco, ha pauca chapientscha per questas lamentadas. La dischoccupaziun en la gastronomia saja sur la media auta. Il matg saja quella tar var 9%, var 16'000 persunas en la gastronomia sajan senza lavur. Sch'ins guardia questas cifras n'hajan ins pauca chapientscha per las lamentadas.

Tgi che tschertga uss desperà forzas da lavur, ha probabel fatg sbagls gia avant.
Autur: Boris Zürchermanader direcziun Seco

Tenor Zürcher na stuess quai betg esser grev da chattar persunal.

Ord l'archiv

Riccardo Wolf, Flurina Häsch-Maissen ed Andri Meyer - trais gastronomAs giuvens plain anim e curaschi da far ils emprims pass sco ustierAs, mo lura ha il coronavirus fatg ad els in stritg tras il quint.

video
Tge di la gastronomia giuvna?
Or da RTR Social dals 08.01.2021.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga