Tar controllas d'alcohol lascha la polizia suflar l'automobilist en in apparat ch'è uschè gronds sco in telefonin. Sche quel indichescha pli pauc che 0.5 promils pon ins charrar vinavant, mussa quel tranter 0.5 e 0.8 promils lura ston ins pajar in chastì. Sch'ins ha varga 0.8 promils lura ston ins a partir dad oz suflar en quest nov apparat ch'è deponì sin il post da la polizia.
Nagina prova da sang pli
Gia ozendi ha la polizia la pussaivladad da far tests d’alcohol cun laschar suflar, communitgescha l'Uffizi federal da vias ASTRA. Il resultat tanscha fin uss sulet sco mussament sch’ils promils èn sut il cunfin da 0.8 promils. En tut ils ulteriurs cas era suenter adina da confermar il stadi d’alcoholisaziun cun ina prova da sang. Cun quest nov apparat croda ina controlla dal sang. En il futur èn provas dal sang mo anc necessarias en cas excepziunals ha communitgà l’ASTRA.
Novs apparats megliers resultats
Ils apparats novs pon uss mesirar ils promils uschè fidà ch’ina dretgira renconuscha ils resultats. Per evitar sbagls vegnan fatgas duas independentas mesiraziuns entaifer da secundas. Sche omaduas correspundian alura vegnia mussà il resultat.
L'introducziun da la nova metoda succeda uss pass per pass.
RR novitads 14:00