Il concern d’industria svizzer Sulzer ha supportà bain las sancziuns dals Stadis Unids, quai ha ditg il CEO dal concern Greg Poux-Guillaume. L’avrigl era il concern vegnì en il focus dal martgà da finanzas en connex cun las sancziuns dals Stadis Unids cunter l’acziunari da Sulzer, Viktor Vekselberg e sia fatschenta Renova.
Sulzer possia entant puspè far normal fatschentas ed haja er puspè access als daners. Confurm a las pretaisas dals Stadis Unids vul Sulzer uss reducir las fatschentas en l’Iran, uschia il CEO.
RR novitads 12:00