Siglir tar il cuntegn
cuntegn

Svizra Sulzer serra Allschwil

Il concern d'industria Sulzer serra ses lieu da producziun ad Allschwil en il chantun Basilea-Champagna. Sco quai ch'il concern communitgescha sajan 20 collavuraturs pertutgads da questa mesira. Er en la China ed en il Canada reducescha Sulzer sia capacitad da producir.

Il concern d'industria Sulzer reducescha ses persunal.
Legenda: Il concern d'industria Sulzer reducescha ses persunal. Keystone

Perquai ch’ils affars sa reduceschan cuntinuadamain en il sid-ost da l’Asia, ha la Sulzer reducì ses persunal sco era la capacitad da producir a Shanghai. 130 plazzas sajan qua vegnidas stritgadas: quai per gronda part grazia a la fluctuaziun natirala.

Auter a Singapur, la vegn Sulzer a serrar il lieu da producziun ils 15 da fanadur. 16 collavuraturs perdan lur plazza. Era en il Canada vegn il lieu da producziun ad Edmonton serrà la fin da zercladur. Sis collavuraturs sajan pertutgads.

RR novitads 09:00