La Suva ha l’onn passà examinà 2'236 cas da suspect ed uschia impedì pajaments betg giustifitgads da 12,6 milliuns francs, quai ha communitgà l’Institut svizzer d’assicuranza d’accidents. Ella ha uschia constatà 478 cas da fraud d'assicuranza ch'eran vegnids concludids. En tut haja dà 222'000 cas cun pajaments da diarias l'onn 2020.
Il maldiever vegnia adina pli multifar. Uschia dettia er medis ed ospitals che quintian giu uras e prestaziuns fictivas u falladas. Quai na donnegia betg mo ils pajaders e las pajadras da premias, mabain l’entir sistem da sanadad. La gronda part quintia dentant giu a moda correcta, ha suttastritgà la Suva.
Dapi l'introducziun dal cumbat cunter maldiever l'onn 2007 haja la Suva pudì impedir pajaments betg giustifitgads da varga 194 milliuns francs.
