Siglir tar il cuntegn

Header

cuntegn

Svizra Sunrise fa gudogn en terz quartal

Il concern da telecommunicaziun Sunrise returna en la zona da gudogn. Per il terz quartal noda l’interpresa in plus da 14 milliuns francs. Anc avant in onn muntava la sperdita a 53 milliuns francs.

Ils ultims 3 mais è la svieuta sa reducida per 8,5%, sco il concern scriva. Las raschuns èn l’adattaziun dals pretschs da roaming, la fermezza dal franc svizzer e la reducziun da la svieuta cun telefonins.

Sperdita pervi d'ir a la bursa e refinanziaziun

Malgrà il gudogn per il terz quartal noda Sunrise tut en in sperdita da 138 milliuns francs per ils emprims 9 mais da l’onn da fatschenta. L’emprima mesadad da l’onn han ils custs per ir a la bursa sco er la refinanziaziun procurà per auts custs tar l’interpresa.

RR novitads 09:00

Artitgels legids il pli savens